Autobus zerbitzua 9:00etatik 19:30era egongo da martxan eta bederatzi geltoki izango ditu herrian zehar.

Durangoko Udalak mikrobus bat jarriko du martxoaren 14an Landako Gunean egingo den herritarren kontsultan botoa ematera joan nahi duten eta mugikortasun arazoak dituzten durangarrentzat. Horrez gain, Landako Guneko aparkalekua dohainezkoa izango da lehen 30 minututan, mugikortasun arazoak dituztenei bozkatzea errazteko.

"Durangaldeko herritar guztiei martxoaren 14an bozkatzeko aukera eman nahi diegu, batez ere mugikortasun arazoak dituzten pertsonei. Ez dugu nahi mugikortasuna arazo bat izatea, beraz, autobus zerbitzua jarriko dugu herritarren eskura, Landako gunera joan ahal izateko ", azaldu dute Udaleko arduradunek.

Autobus zerbitzua 9: 00etatik 19: 30era egongo da martxan eta Durango osoa zeharkatuko du. Autobusak 15 plaza izango ditu, horietatik 3 mugikortasun urriko pertsonentzat, eta geltokiak behar bezala seinaleztatuta egongo dira.

Geldialdiak honako hauek izango dira:

- San Fausto (Bernardo Gabiola, 1)

- Larrasoloeta (Durango Irratiaren ondoan)

- Tabira (Arriluzeaga, 1)

- San Agustinalde 14-16

- Askatasun Etorbidea 26

- Aramotz (Pagasarri, 3)

- Astepe (sasikoa, 18)

- Fray Juan Zumarraga 25

- Landako Gunea (autobus-geltokia)